Ko árape mokõipa po jasypoapy Tetã Paraguái tuichakue ogueromandu’a ñe’ẽ guarani ára, ha’éva iñe’ẽteete karai ñe’ẽ ykére Kuatiavusu Tetãygua rupive.
Ary 1967 guive, oñemboguapy rire kuatiápe oñeme’ẽ pa’u maymavéva paraguajokuérape he’i haĝua pe oñandúva, oipotáva ha oipy’apýva chupe ñe’ẽ oñeñandu porãvéva rupi.
Péicha avei, ndaikatúi ñande ñamboyke tapicha oñe’ẽva guarani añóme, ñañeha’ãva’erã ñaikũmby pe he’iséva ha jaipuru hendive iñe’ẽ.
Ymave ndojehechaporãi avakuéra oipurúva guarani, oje’emi hesekuéra “guarango”, térã itavy ha imboriahuha. Ñande jaikuaa péva noῖporãiha, guaraní oῖ castellano ykerete, namichῖri ha ndatuichavéi chugui.
Upévare akõinte jaipuru ha ñamomba’eva’erã. UNI – pe oñembo’e, ojehayhu ha ojepuru ñe’ẽ guarani.
Hi’ãinteva’erã ñañeha’ãve ára ha ára jajapo tembiapo omombaretevétava ko ñane ñe’ẽ he’ẽ’asyetéva ñanemoambuéva pytaguágui, ohechaukáva ñande rekotee.
Jahayhúkena guarani!
Fuente: DCOM
Los comentarios estan cerrados.